Ang iyong nakaraan
Dapat mo pa bang balikan
Huminto ka muna at iyong pag-isipan
Baka ikaw lamang ay masaktan
Kung ito’y iyong susuriin
Hindi ka man lang niya pinapansin
Sulat mong di man lang kayang tanggapin
Sa pag-ibig na ito, isa kang alipin
Kung naging kayo man
Baka ikaw lang din ay kanyang iwan
Masasayang ang iyong pinaghirapan
Di mo naman siya makakamtan
Sa malikot mong imahinasyon
Nasasayang ang mga panahon
Hindi ka kaagad nagtapat noon
Kaya iyan, nasaktan ka ngayon
Di ko inakala na ako’y masasaktan
Puso ko ngayo’y sugatan
Sa isipan ko’y di mapakawalan
Luha sa mga mata’y dapat nang punasan
